LEGAZPI CITY—Dae mababa sa 12,000 indibidwal an nagbisita sa mga kamposanto sa pag-obserbar kan Undas sa provincia kan Masbate.
Segun ki Masbate Police Provincial Office Public Information Officer Police Captain Estrella Torres, sa intrevista kan Bombo Radyo Legazpi, basado sa mga reports na isinumiter kan saindang lower units an nag-aabot sa 600 indibidwal na hale sa 20 munisipyo asin ciudad an nagpasiring sa mga kamposanto ngonian na aldaw, Nobyembre 1.
Nagin matoninong man suboot an pag-obserbar kan Undas sa saindang lugar asin wara pang narehistrong ano man na untoward incident.
Pagdugang kan opisyal na naka-heightened alert man giraray sinda sagkod Nobyembre 3 katakod man giraray kan nasabing obserbasyon.
Mientrastanto, pighayag man ni Torres na nakaarestar sinda nin nasa apat na wanted person sa provincia sa mismong aldaw kan Undas.
