Nagtetenir na buhay an kampanya kan De La Salle Green Archers sa UAAP Season 86 makalihis an makapugol hinangos na comeback win laban sa UP Fighting Maroons sa score na 83-80, sa Game 2 kan best of 3 finals series kasubanggi.
Hale sa 15-point deficit sa third quarter, nag-init an Green Archers na pinangenotan nina Kevin Quiambao asin Mark Nonoy nganing isalbar an saindang koponan.
Nagbutas si Quiambao nin 21 puntos, 12 rebounds, asin anom na assists mantang si Nonoy an nag-ambag kan mga kritikal na puntos sa endgame.
Segun sa head coach kan La Salle, an trayumpong ini an bunga kan determinasyon kan koponan na ipahiling an saindang tibay asin puso sa ibong kan matinding pressure.
Magpapadagos an sagupaan kan La Salle asin UP sa winner takes all Game 3, kun saen nakataya na an UAAP Season 86 men’s basketball trophy.
