LEGAZPI CITY-Ipinasarado na an kumpanyang E-Value Phils. Inc., makalihis na mapundo an operasyon kan Disyembre 31, 2025 kasunod kan desisyon na dai pagulangan an kasuguan kan Securities and Exchange Commission (SEC) na bawion na an saindang accreditation.
Basado sa mga report, naaraman kan ahensya na an mga valuation report kan E-Value para sa Villar Land asin mga subsidiary kaini, na suportado kan negosyanteng si dating Senate President Manuel “Manny” Villar Jr., an pano nin mga seryosong pagkukulang asin dai maaasahan.
Pinangenotan ni SEC Chairperson Francis Ed. Lim an kanselasyon kan accreditation makalihis an onsite inspection na nagpahiling kan dai pagtalima kan kumpaniya sa international valuation standards asin nagkulang sa mga dokumento.
Segun pa sa ahensya na nabigo an appraiser na tawan nin katwiran an P1.33-trilyong paglangkaw sa kantidad kan mga pagsadiri asin nagbayolar sa mga pangenot na prinsipyo kan independence, professional competence, asin objectivity.
Afuera digdi, pinatawan kan komisyon an pinakahalangkaw na multang P1 milyon asin pigsugo an panibagong appraisal para sa mga unit kan Villar Land.
Pinatanidan man kan ahensya na an maling datos na ginamit sa financial statements an posibleng magresulta kan maling impormasyon sa mga namumuhunan.
