Pigsyerto kan Bureau of Corrections na wara nin espesyal na pagtrato sa mga mapapatunayan na nagkasala sa mga maanomalyang flood control projects.
Sa paghahapot kay Director General Gregorio Catapang Jr. saiyang ipigheras na dae ini mangyayari asin pigklaro na bako man mas komportable sa karsel.
Dadarahon man suboot sa Sablayan Prison asin Penal Farm sa Occidental Mindoro an mga masentensyahan sa kaso na may kinaaraman sa flood control corruption.
Sinabi pa kaini na partikularmenteng ikukulong an mga ini sa ‘supermax facility’ kan kawanihan kun saen mahigot na babantayan kan mga personahes kaini.
Kalimitang duwang tawo sana an nasa laog kan sarong selda asin pigklaro na ini an ‘open-air’ asin wara nin ‘air conditioning’.
Ipinahayag man kaini na an mga nakakulong digdi dai basta-basta makakaluwas sa saindang mga selda.
Alagad pigsyertong may pig-alokar na oras sa aga asin hapon nganing makakuwa sinda nin liwanag kan saldang.
Paliwanag naman ni Corrections Dir. Gen. Catapang Jr. kun ngata digdi dadarahon an mga imbwelto sa flood control an sa kadahilanang isasarado na an New Bilibid Prison sa ciudad kan Muntinlupa.
