Ipinag-sugo na kan kataas-taasang hukom o korte suprema na gibuhong electronic an pagsusunad sa mga kaso kan annulment asin nullity kan kasal.
Sa isinapublikong pahayag asin abiso kan Supreme Court, dapat na isumite suboot asin isunad an mga siring kaining klase nin kaso gamit an electronic system kaini.
Base kaya sa resolusyon kan nakaagi kan Supreme Court En Banc sa pinahiwas na Rule 13-A kan Rules of Civil Procedure, minamandato kaini na ipa-otob an mga electronic filing kan mga kasong partikular sa pagpapawarang bisa kan kasal.
Magin an service of pleadings, pagsusunad nin mosyon asin iba pang papeles na may kinaaraman sa civil cases kan first- asin second-level courts an electronic na man.
Magigirumduman na bago ipa-otob an nasabing pagbabago an dae pa sakop kan Rule 13-A an special proceedings arug kan annulment asin nullity of marriage cases.
Kun saen mismo an Office of the Court Administrator an nagrekomenda na iiba an mga arug kaining kaso huli ta pareho man suboot an procedures to civil actions kaini.
Segun man sa office of the spokesperson kan Korte Suprema, an inisyatibong ini an parte kan saindang mga lakdang sa irarom kan Strategic Plan for Judicial Innovations 2022-2027.
