LEGAZPI CITY – Makakaresibi nin kadugangang pondo gikan sa national budget ngonian na taon an pigsasagibong International Cruise Ship Terminal sa Legazpi City Boulevard.
Magigirumduman na isinagibo an groundbreaking ceremony kan cruise ship terminal kan July 2021.
Segun ki Legazpi City Mayor Alfredo Garbin sa intrevista kan Bombo Radyo Legazpi na makakaresibi ini nin pondo sa irarom kan General Appropriations Act para sa taong 2025.
Tatapuson na an konstruksyon nganing ma-fully utilized na kan mga crew ship asin pwede nang madaong sa ciudad.
Dae suboot mababa sa P200M an pig-alokar na budget asin nakatalaan na tapuson an pagsasagibo sa pamamahala na man kan Department of Transportation and Railways.
Pigtawan doon ni Mayor Garbin na sa oras na matapos ini na magigin vital role ini sa pagpapakusog asin pag-uswag kan turismo sa ciudad.
Makakatabang man suboot ini na madugangan pa an ganansya kan mga negosyo asin magkrear nin kadakol na trabaho para sa mga Legazpeño.
