LEGAZPI CITY – Pighihidali na an pagtapos sa konstruksyon kan People’s Park sa may Legazpi Boulevard.
Segun ki Engr. Clemente Ibo, an City Engineer kan syudad kan Legazpi sa intrevista kan Bombo Radyo Legazpi na nasa 90% na an konstruksyon kan nasabing park.
Dae pa suboot natapos an phase 1 nin huli ta naulangan kan mga paratienda na nagpwesto sa sarong parte kaini.
Over due na an peoples park nin huli ta 3 years na an nakaagi kan pinunan an konstruksyon kaini asin dapat suboot na mapakinabangan na kan publiko.
Pigtaram pa kan opisyal na dae ituturn-over an park sa LGU hanggat dae pa fully completed an construction.
Dae man sinda nadifisilan sa pagpahali kan mga paratienda nin huli ta nagsunod man tulos an mga ini kan pigsabihan sinda asin pigpalilipat nin pwesto.
Paglinaw kaini na piglipat an mga paratienda nganing dawa papano an magigin presentable an saindang pagbubugtakan.
Diit na sana suboot na landscaping asin sa piglalakawan an piga-ayos mantang nagtao nang kasuguan si Mayor Pido Garbin na irush na nganing mabuksan na ini sa publiko.
Pangapodan kaini na dae magwalat nin basura pag binuksan na an lugar nganing mamantenir an kagayunan kan bagong pasyaran sa Legazpi City.
