Ipigbubusol kan mga kongresista an tulos na pagpasa kan Anti-Fake News Law sa kamara de representante.
Segun kay House Assistant Majority Leader Jay Khonghun, pigbibilog an sarong tri-committee nganing imbestigaran an paglakop kan disinformation asin ihanda an propwestong ley dapit digdi.
Maski limitado an natatadang sesyon sa 19th Congress, nagtutubod si Khonghun na dakula an suporta hale sa mga kapwa kongresista asin publiko para sa nasambitang ley.
Dugang pa ni House Assistant Majority Leader Ernix Dionisio, importanteng maipasa tulos an naunambitang ley nganing mapugulan an paglakop kan salang impormasyon na pwedesir makaraot sa tiwala kan publiko sa mga institusyon kan gobyerno magkawsa nin kalibongan sa sosyodad.
Sa presente, padagos an hearing kan tri-committee nganing maaraman an mga lakdang na dapat isagibo laban sa mga nagpapalakop nin fake news, partikulamente na sa social media.
