Ikinaalarma kan sarong kongresista an baretang nakaluwas na sa Pilipinas si suspended Mayor Alice Guo kan Bamban Tarlac.
Segun kay Rep Jil Bongalon, an AKB partylist representative sa intrevista kan Bombo radyo Legazpi na saiyang ikinakigkig asin ikinasurpresa na an sarong chinese individual an nakahali na sa nasyon na dae man lang naaraman kan ahensya kan gobyerno.
Dugang pa kan opisyal na hinalat pa talaga na sabihon ni Senator Riza Hontiveros an magbulgar kan bareta kun saen nakahali na sa nasyon si Guo.
Saro suboot ining nakakaalarmang bareta huli ta sampang ini sa mga ahensya kan gobyerno kun saen an trabaho nindang magbantay sa mga indibdwal na naglalaog-luwas sa nasyon.
Mientrastanto, ipapadagos man liwat an imbestigasyon sa operasyon kan POGO sa Bamban Tarlac sa pigsasagibong quad committee hearing kan Kamara kun saen pag-uulayan kun ano an koneksyon ni Guo sa operasyon kan Philippine offshore gaming operators.
