Namaaram na an batikang komedyanteng si Evelyn Bontogon-Guerrero o mas bisto bilang si Matutina.
Kinumpirmar ini kan saiyang aki na si Shiela Guerrero.
Segun sa medical certificate, an kawsa kan saiyang pagkagadan iyo an Acute Respiratory Failure na kawsa kan Volume Fluid Overload, na pinalala kan Stage 5 Chronic Kidney Disease nin huli sa Hypertensive Nephrosclerosis.
Namidbid si Matutina sa saiyang papel bilang kasambahay ni Donya Delilah sa sikat na seryeng “John en Marsha” kan dekada ’70, kaiba sinda Dolphy asin Nida Blanca.
Ipinangaki siya kan Hulyo 10, 1946, asin nag-walat nin dakulang marka sa industriya kan komedya sa Pilipinas.
An saiyang pagkagadan an nagdara nin kamunduan sa mga fans asin kaibahan niya sa industriya.
