Dae mapartisipar si Los Angeles Clippers star forward Kawhi Leonard sa mga aktibidad sa training camp kan koponan sa masunod na semana.
Ini an huli ta padagos pa siyang nagpaparahay sa paghuhubag kan tuhod makalihis an injury na sinapar sa playoffs kan nakalihis na season.
Napag-araman na nagsairarom pa ini sa knee procedure durante kan offseason.
Enot ng sinabi ni Clippers president Lawrence Frank na maski pa nagkaigwa na nin improvement an injury sa tuhod ni Leonard, bako pa sierto kun makakapag kawat na ini sa season opener kan Los Angeles kontra sa Phoenix Suns sa Oktubre 23.
Sa presente, naka focus suboot an NBA star sa strength training.
Mientras tanto, naglalaom man an koponan na marikas na makakabalik si Leonard sa pagkakawat.
