LEGAZPI CITY—Buminungkaras an sarong kasulo sa sarong harong sa Barangay San Nicolas, Panganiban, Catanduanes.
Segun ki Panganiban Fire Station Caretaker/Ground Commander Fire Officer 2 Katz-Ken De Jesus, sa intrevista kan Bombo Radyo Legazpi, na basado sa saindang inisyal na imbestigasyon, may walk-in na nag-report sa saindang istasyon mapadapit sa nasambitang insidente.
Makalihis na maberipikar an impormasyon, tulos man sindang nag-dispatch nin fire truck asin mga personahes kun saen naabutan ninda an naunambitang residencia na nasusulo asin nagdeklarar nin first alarm.
Sinabi man kan opisyal na haros gibo sa light materials asin totally burned an kadaklan sa mga gamit asin partisyon kan nasambitang nasulong harong.
Sa presente, paramientras na nagtetenir an mga apektadong indibidwal sa saindang mga kabisto sa lugar.
Dugang ni de Jesus na wara man nairido sa naunambitang insidente.
Mientrastanto, padagos pa an imbestigasyon kan mga otoridad sa kun ano an nagin kawsa kan insidente asin gurano an iwinalat kaining danyos.
Pagiromdom kan opisyal sa publiko na pagreparuhon an laog kan harong siring kan paghiling sa mga piglulutuan, kuryente, mga appliances nganing maibitaran an siring na insidente.
