LEGAZPI CITY- Piglalaoman na an pagluwas kan resolusyon sa Department of Justice (DOJ) siring man an pagsusunad nin kaso sa korte kontra sa iba pang respondents katakod kan nadiskubreng shabu laboratory sa Brgy. Palta Small, Virac, provincia kan Catanduanes.
Ipighayag ni Justice Secretary Vitaliano Aguirre II sa sarong intrevista na igwa man na ipa-file na suway pang kaso para sa iba pang respondents sa provincia siring man sa mga pangaran na igwang koneksyon sa operasyon kan nasabing laboratoryo.
An nasabing kaso an katakod naman kan inamyendaran na complaint na ipigsunad kan pulisya sa DOJ kun saen nagluwas an sarong “Mr. Tabor” bilang testigo sa kaso alagad dae naman nagkaigwa nin komprehensibong pagtukaw digdi an sekretaryo.
Nag-atendir an nasabing cabinet member sa groundbreaking ceremony kan DOJ Building sa banwaan kan Virac.
Magigirumduman na Nobyembre taong 2016 kan madiskubre an nasabing laboratoryo na enot namang inapod kan ga otoridad bilang ‘mega shabu lab’ huli sa kakayanan suboot kaining makapag-produsir nin tone-toneladang iligal na droga.
