Padagos an pagbaba kan numero kan mga bagong pigtatamaan nin helang na dengue sa Pilipinas.
Basado sa datos kan Department of Health (DOH), nasa 9,289 an nairehistrong bagong kaso nin dengue puon Marso 16 sagkod 29 kan presenteng taon, mas hababa kumpara sa 12,050 na nairehistro puon Marso 2 sagkod 15.
Inireport man kan ahensya na nasa 0.36% an Case Fatality Rate o haros apat sa kada rinibong pigtatamaan nin helang an nagagadan.
Ipigtakod man kan ahensya an pagbaba kan bagong kaso sa pagsagibo nin pinahigot na vector control sa mga komunidad.
Ipigtakod man kan DOH an hibabang case fatality rate sa mas amay na pagkonsulta kan mga pasyente basado na man sa health education program kan ahensya mapadapit sa mga sintomas na dapat bantayan.
Sa kabilogan, nasa 95,262 an nairehistrong kaso nin dengue sa nacion puon Enero sagkod Abril 2025. Mas halangkaw ini nin 75% kumpara sa 54,556 na nairehistro kan 2024.
, 9,289 new cases of dengue were recorded from March 16 to 29, 2025, down 23% compared to the 12,050 recorded from March 2 to 15, 2025.){kind=link}