LEGAZPI CITY—Nagpapadagos an pagbabantay kan mga kapulisan kan Legazpi City asin Daraga sa mga border control point huli kan nagpapadagos na aktibidad kan bulkang Mayon, ini katakod kan ipigsasagibong Palarong Bicol sa ciudad.
Segun ki Legazpi City Police Station Chief of Police Police Lieutenant Colonel Domingo Tapel Jr., sa intrevista kan Bombo Radyo Legazpi, gabos na mga atleta asin iba pang partisipante an pigbabawalan na maglaog sa border control point.
Kaya en kaso man na may magpasiring digdi na mga delegado ipig-abiso kan opisyal sa mga kapulisan na itukdo na sana sinda sa mga viewing area.
Naka-full alert man suboot an saindang personahes para sa pagmanehar kan bulos nin trapiko, naka-preposition an mga ambulansya asin medical team sa manlaen-laeng luga, siring man an pagkundusir nin drone patrolling.
Mientrastanto, pig-asigurar man ni Tapel na preparado sinda kaiba an iba pang organisasyon para sa pagtaong asistensya sa mga maatendir kan Palarong Bicol 2026.
