Nagtutubod si Justice Secretary Jesus Crispin Remulla na dapat iiba sa lifestyle check an pamilya kan mga opisyal na suboot imbuelto sa maanomalyang flood control projects.
Pagdoon niya, bako sana an mismong mga opisyal kundi pati an mga kaparientes na nakikinabang sa mga ilegal na gibohon an dapat na surion.
Ipighagad man kan kalihim an paggamit nin whole-of-government approach sa pagsagibo kan lifestyle check, kun saen matarabangan an manlaen-laeng ahensya.
Kaiba digdi an Bureau of Internal Revenue (BIR) na presenteng nagsusuri kan tax records nganing masierto an kredibilidad kan mga kasong isusunad.
Segun pa ki Remulla, kakaipuhan kan DOJ an suporta kan iba pang ahensya nganing mapatibay an ebidensya laban sa mga imbuelto sa iregularidad.
Kan Agosto 27, ipigsugo ni Presidente Ferdinand Marcos Jr. an lifestyle check sa mga opisyal kan gobierno, partikularmente na sa mga imbuelto sa maanomalyang flood control projects.
Nagkapirang lehislador asin opisyal man an preparado sa inisyatibo, kaiba na mismo an Presidente.
