Kinuwestyon kan kampo ni Kingdom of Jesus Christ leader Pastor Apollo Quiboloy an legal na basehan kan Court of Appeal sa ipinaluwas na freeze order sa mga bank accounts asin assets kaini.
Marurumduman na pinaluwas kan Court of Appeal an nasabing kasuguan sa mga bank accounts asin propreyidades ni Quiboloy makalihis na mahiling na konektado suboot ini sa mga iligal na aktibidad, kasunod kan petisyon na isinumiter kan Anti-Money Laundering Council.
Kaibanan sa mga frozen account an bank accounts kan Kingdom of Jesus Christ asin Swara Sug Media Corporation na nago-operate kan Sonshine Media Network International.
Segun sa abogado kan simbahan na si Atty. Israelito Torreon na kinakaipuhan na mapag-adalan kan Department of Justice an nasabing kasuguan.
Sinabi ni Torreon na enot ng pighayag kan justice department na an legal na basehan ninda iyo an nasa Estados Unidos alagad pigduon na igwang territoriality principle sa nacion.
Mawot kan kampo ni Quiboloy na maaraman an mga ebidensya para sa nasabing petisyon.
