LRGAZPI CITY-Magsasangat nin motion for reconsideration ag Kamara de Representantes katakod kan nagin desisyon kan Korte Suprema na nagdedeklara na unconstitutional an impeachment case laban kay Vice President Sara Duterte dawa nakasaunod ini sa regulasyon na saindang ipinluwas sa naenot na desisyon.
Segun kay House spokesperson Atty. Princess Abante, an desisyon kan korte suprema, dai nagsusunod sa regulasyon na siyang pigsusunod bago an ipinaluwas na desisyon kan Biyernes.
Sinabi ni Abante na dawa nagtetenir an repseto kan kamara s akorte suprema, nahahandal an kamara matapos matanggap asin mabasa an desisyon kan korte suprema kung sain pinapawarang bisa an impeachment complaint na isinangat kan Pebrero 5, 2025 laban kay Vice President Sara.
Dagdag pa ni Abante matapos an mabusising pagaadal, magsasangat nin Motion for Reconsideration an Kamara huli sa ang desisyon, nagsasabing an Articles of Impeachment na ipinadara sa Senado iyo an barred o unconstitutional na naka-angkla sa mga factual premises o findings na mali asin dai nagsusunod sa opisyal na rekord kan Kamara.
Sinabi pa niya na mali an pangenot na pahayag kan Korte na warang plenaryong pag-apruba sa Articles of Impeachment bago ini ipinadara sa Senado.
