Legazpi City– Piglinaw kan manihamiento kan Bicol International Airport (BIA) na nagsasagibo na sinda nin aksiyon katakod kan naipaabot na reklamo kan mga pasahero huli sa ‘unbearable heat’ na naeeksperyensiyahan sa mismong waiting room kan eropuerto.
Segun ki Roland Bosito, Acting Airport Manager kan Bicol International Airport sa intrevista kan Bombo Radyo Legazpi, nakaabot na sa saindang kaaraman ang ipigpasar ninda 2nd District Board Member Vince Baltazar asin 1st District Board Member Reynaldo Bragais na sarong resolusyon sa Sangguniang Panlalawigan kan Albay na naghahagad na matawanan nin urgent na aksiyon ang nasambit na problema.
Segun pa kay Bosito, sa presente, igwa suboot sinda na paramientras na pigbugtak na apat na air-conditioning unit asin 2 stand fan sa ground floor kan waiting area kan gabos na pasahero.
Dugang pa kan opisyal, kaibanan suboot sa pig-request kan saindang manihamiento sa mismong central office kan Civil Aviation Authority of the Philippines o CAAP ang mga karagdagang units nin mga pasilidad ta nganing ma-address ang nasabing concern.
Mientrastanto, inako man ni Bosito na saro ini sa mga tinatawang prayoridad kan opisina ta nganing dae maapektaran ang numero kan mga biyahero sa nabanggit na eropuerto.
Hagad na sana kaini ang pagsabot kan publiko asin inasegurar na magkakaigwa nin dugang na pasilidad sa mga maabot na aldaw.
