Ibinuyagyag kan K-pop girl group na TWICE an saindang pagbabalik sa paagi kan ika-apat na Korean studio album na iluluwas sa maabot na July.
Kasunod ini kan saindang matrayumpong pagganap bilang mga special guest sa anom na show kan Coldplay sa Seoul kan Abril, kun saen isinagibo ninda an bagong bersyon kan kantang “We Pray” kaiba an nasabing banda.
Kan Mayo 14, iniluwas man kan grupo an saindang ikalimang Japanese compilation album na #Twice5.
Afuera sa papaabot na album, nakatalaan mang pangenotan kan TWICE an Lollapalooza music festival sa Chicago sa August 2.
