LEGAZPI CITY- (Update) NADIDIPISILAN ngonian an Philippine National Police asin Philippine Army sa pagkokondusir nin imbestigasyon sa kaso kan panggagadan asin pigtutubudan man na panlulugos ki Diana Rose Razo, 21 anyos sa Brgy. San Isidro, Castilla, Sorsogon.
Kun babalikan, nasa state of decomposition na an bangkay kaini kan madiskubre sa distansyang 300 hasta 400 metros hale sa headquarters kan CAFGU kun kaya pigtutubudan man na gikan digdi an tolong suspek.
Sa intrevista kan Bombo Radyo Legazpi ki Lt. Joseph Bello, commanding officer kan Alpha Company kan 22nd Infantry Batallion, Philippine Army, pabago-bago suboot an mga pahayag kan ipig-iimbweltong mga indibidwal asin pagpapahimutik sa mga alegasyon sa pagtatakod sa mga ini sa krimen.
Dugang pa suboot digdi an kakulangan kan makakapotan na pusog na ebidensya siring man an kawaran nin interes kan paglataw kan posibleng eye witness.
En kaso man suboot na maisangat na an kaso asin mapapatotoohan an koneksyon kan mga ini, tulos suboot na irerekomenda ni Bello an pagterminate sa mga ini.
Ipigpromesa pa kan opisyal an padagos na pakikipagtabangan sa PNP sa pagresolber sa krimen katakod naman kan pag-ibitar sa sahot na magigin biased an imbestigasyon.
