LEGAZPI CITY – Nagsunad nin reklamo an vlogger asin disc jockey na si Jellie Aw laban sa saiyang fiancé na si Jam Ignacio nin huli suboot sa pangungulog kaini.
Sa ibong kan naghagad na nin dispensa si Ignacio asin nagpaliwanag na an insidente an bunga sana kan simpleng dae pagkakasinabotan, desidido pa man an vlogger na idagos an kaso.
Segun saiya na enot pa sana an napatawad niya na si Jam alagad idadagos niya man giraray an kaso.
Dugang pa niya, bako bastante an paghagad nin dispensa nganing lingawan an nangyari, asin mawot niyang manimbag si Ignacio sa saiyang ginibo.
Pigtaram man kaini na dae na ilalawos an saindang planong kasal nin huli sa insidente.
