Pigkakarkulong mahalangkaw an inflation sa Pilipinas sa bulan nin Marso, na posibleng umabot sa pinakahalangkaw na target kan Bangko Sentral ng Pilipinas, kawsa kan pagtaas kan presyo kan langis sa enterong kinaban.
Segun sa pagtataya kan siyam na ekonomista, pwedesir umabot sa 3.8% an pagtaas kan presyo kan mga babarakalon kumpara kan nakalihis na taon.
Kun magigin tama an pagtaya, mas halangkaw ini kumpara sa 2.4% na nairehistro kan Pebrero.
An naunambitang pagtaas an kawsa kan mas halangkaw na gastos sa transportasyon makalihis an nangyari na kariribukan sa pagultangan kan US asin Iran na nagkakawsa nin pangkinabang krisis sa enerhiya.
An epekto kaini an mamamatean sa mas mahal na pagkakan, pamasahe, asin iba pang serbisyo.
