Posibleng maglangkaw pa nin hasta sa 4.2% an inflation rate sa Pilipinas ngunyan na bulan nin Hunyo.
Segun sa Bangko Sentral ng Pilipinas, epekto ini kan padagos na pagmahal nin mga pangenot na barakalon partikular na an bagas, gulay, karne asin sira.
Nakapagparikas man kan inflation an padagos na pagbagsak kan kantidad kan piso kontra dolyar asin an pagmahal kan presyo nin produktong petrolyo.
Alagad nakakatabang man an pagbaba sa presyo nin mga prutas asin singil sa kuryente ngani na mapugolan an padagos pang pagrikas kan inflation.
Nakatalaan na ipaluwas kan Philippine Statistics Authority an pinal na datos para sa inflation sa maabot na Hulyo 5.
