Nakapagrehistro nin bahagyang pagluway sa inflation para sa bulan kan Mayo kun sain ini na an ika-apat na bulan na nagkaigwa nin pagbaba.
An inflation an rikas kan paghiro sa presyuhan kan pangenot na mga babarakalon.
Basado sa datos kan Philippine Statistics Authority na an inflation sa nakalihis na bulan an nasa 1.3% hali sa 1.4% kan nakalihis na bulan nin Abril.
Laog an nasabing datos sa pagkakarkulo kan Bangko Sentral ng Pilipinas na inflation rate na nasa 0.9% hasta 1.7% para sa bulan nin Mayo.
Pighihiling na saro sa mga rason kaini an maluyang paglangkaw kan presyo sa pabahay, patubig, kuryente asi iba pa.
Napag-araman na ini na man an pinaka maluway na inflation puon kan November 2019 na nasa 1.2%.
