Sarong Indonesian paratrooper, na binistong si Salman Krisnes, an nakasalbar sa sarong aksidente makalihis na buminagsak sa 1,600 feet kan magka-tangle an saiyang parachute sa training exercise na ginibo sa Sulaiman Air Base, east Jakarta, kan Nobyembre 8.
Segun sa Indonesian Air Force, sa ibong kan buminagsak nin halangkaw, si Salman an nagsapo sana nin fracture sa balakang asin presenteng nagpaparahay sa ospital.
Segun sa tagapagtaram kan Quick Reaction Forces Command (Kopasgat) kan militar, nagkaproblema an parachute huli sa pagkakakabit kan pirang lubid mantang naglulukso an paratrooper hale sa low altitude kan Hercules C-130 aircraft.
Napag-araman na an Kopasgat, na bisto sa apod na “orange berets”, sarong elite special forces unit kan Indonesian Air Force na responsable sa mga operasyon kontra terorismo, airfields defense, intelligence operations, asin parachuting missions.
Sa presente, stable na an kondisyon ni Salman asin padagos na pigsasairarom sa dugang na pagbolong.
