LEGAZPI CITY-Arestado kan Bureau of Immigration (BI) sa ciudad kan Dagupan an sarong Indian national na pinaghahanap kan International Criminal Police Organization o Interpol.
Basado sa impormasyon kan tanggapan na wanted sa Qatar angnaarestong dayuhan huli sa pamemeke nin mga dokumento kan sarong kumpanya.
Binisto an suspek na si Narayan Murlidhar Nathani, 48-anyos na narestar sa parte kan Tondaligan Road sa Bonoan Geset sa Dagupan City.
Segun sa mg aotoridad, nakaresibe sinda nin impormasyon na si Nathani an wanted kan Interpol poon pa kan Marso 2017 asin igwang kinakahampang na ‘warrant of arrest’ na inisyu kan sarong korte sa Doha.
Basado man sa sarong report, dai suboot binayadan kan suspek an peneke na mga pinabakal na dokumento para sa sarong Qatari company na siyang malinaw na pagbayolar sa Penal Code kan nacion.
Segun sa Bureau of Immigration, nahiling sa record na nagabot an dayuhan sa nacion 2016 bilang sarong turista sana alagad bigomng mapa-extend an saiyang Visa.
Kaya ikinasa kan Fugitive Search Unit kan tanggapan katuwang an Philippine National Police sa paghanap sa lokasyon kan suspek asin tulos ining inarestar.
Dinara an Indial National sa pasilidad kan Bureau of Immigration sa Taguig kung sain hahampangon an mga deportation proceedings.
