LEGAZPI CITY—Binadil-gadan kan dae pa nabibistong indibidwal an sarong Indian national sa Purok 5, Arellano Extension, Barangay Ilawod, Daraga, Albay.
Segun ki Barangay Ilawod, Daraga, Kapitan Randy Velasco, sa intrevista kan Bombo Radyo Legazpi, nadukayan ninda an hawak kan biktima na nakadapa sa tinampo, mantang an motor kaining nasa garahe an tumbado asin abrido na suboot an ubox kaini.
Napag-araman man na tulo pa sanang aldaw na nag-iistar an biktima sa nasambitang lugar.
Segun man sa mga otoridad na posibleng may kinaaraman suboot sa negosyo an motibo sa panggagadan sa Indian national.
Mientrastanto, kapot na ngunyan kan mga kapulisan an CCTV footage sa lugar nganing mabisto na an mga personang imbuelto sa nasabing krimen.
