Kinumpirmar kan pamayo kan Iglesia ni Cristo na magsasagibo an saindang grupo nin rally bilang pagkontra sa mga impeachment complaint na isinunad laban ki Bise Presidente Sara Duterte.
Ginibo kan nasambit na sekta an pahayag sa saindang programa sa telebisyon.
Susog sa INC, an rally na ini bilang suporta sa nagin opinyon ni Presidente Ferdinand Marcos Jr. na kun saen sinabi kaini na bako siya pabor na idagos an impeachment laban ki Duterte.
Sinabi kan Presidente na an lakdang na ini wara nin maitataong magayon na resulta kaya mas maray na dae na sana idagos.
Dugang kaini na wara ini suboot na maitataong magayon sa mga mamamayang Pilipino.
Tinawan-doon man kan nasambit na sekta na sinda nagsusulong nin katonenongan asin kontra ini sa ano man na kariribokan.
Mientrastanto, si Duterte nahahampang ngunyan sa duwang impeachment complaint na isinumiter sa Kongreso.
Kumpyansa man an ibang lehislador kan Makabayanbloc sa Kamara na makukua ninda an 1/3 vote para maipadagos an nasambit na reklamo.
