Ipigdoon ni Sen. Sherwin Gatchalian na dai pinag-olayan an impeachment bid laban ki Vice President Sara Duterte sa mga deliberasyon kan 2026 national budget.
Segun sa chairman kan Senate finance committee, nakasentro sana orolay sa budgetary requirements asin an epekto kaini sa mga namamanwaan, asin bako sa political aspects.
Dati nang inakusaran ni Sen. Imee Marcos sa Facebook na pigmamanipula an budget nganing mapuonan an impeachment ni Duterte, partikularmente sa darakulang cuts sa foreign-assisted projects kan DOTr asin DPWH, mantang pinadakula an pondo para sa farm-to-market roads asin financial assistance programs.
Sinabi ni Gatchalian na pwedesir magkaigwa nin manlaen-laen na pananaw sa 2026 budget, alagad pigdoon niyang corruption-free ini.
Pinirmahan ni Presidente Ferdinand Marcos Jr. an P6.793-trillion 2026 General Appropriations Act asin binawasan an P92.5-bilyon na unprogrammed funds sa pinakahababang lebel poon kan 2019.
