LEGAZPI CITY- Inako ni Professor Alex de Guzman na makaduda an nagin pagbaliktad ni SPO3 Arturo Lascañas alagad kun iisipon, mas hibaba suboot an kredibilidad kan gobyerno sa ginibong paggamit sa mga convicted drug lords sa NBP ngani sana na mapabagsak an sarong senador.
Sa presente nasa korte na suboot kun kiisay na lado an papanubudan sa dating pulis na nagpaliktad o an mga convicted criminal.
Nagtutubod man si de Guzman na pirming pulitika an rason sa mga nagruruluwasan na isyu ngunyan na kinaiimbweltuhan kan mga opisyal kan gobyerno huli ta an pulitika an pinakamaati na kawat kun sain an igwang dakol na numero an pirming nanggagana.
Dugang pa kaini na sa presente dae pa niya nahihiling an mga rason ngani na pabagsakon an administrasyon kun kaya safe pa an saiyang opisina alagad kun magpapadagos an isyu, siyertong igwa nin ma-file nin impeachment alagad bako pa suboot ini matrayumpo sa enot na duwang taon na pamamayo ni Presidente Rodrigo Duterte.
Dakula man an pagtubod kan nasambitan na propesor na dae madangog an mga gabinete sa pangapudan ni Sen. Leila De Lima na maghiro kontra sa presidente huli ta nasa lado an mga ini ni Presidente Duterte.
Mientrastanto, dae pa suboot ini magkakawsa ngunyan nin People Power kun kaya warang dapat na ikahandal an publiko.
