LEGAZPI CITY – Natapos na kan mga otoridad an ikinondusir na imbestigasyon katakod kan nangyaring banggaan kan sarong kotse asin bus sa kakalsadahan kan Barangay San Isidro, Sto. Domingo, Albay.
Segun ki Sto. Domingo Municipal Police Station Officer-in-Charge Police Major Darwin Sevilla sa intrevista kan Bombo Radyo Legazpi na nadeterminaran na ninda kun siisay an may kasalan sa nangyaring banggaan makalihis na mahagip ini sa cctv.
Sa kagayunan suboot an wara man nin nagsapo nin lugad sa mga sakay kan bus siring man sa mga sakay kan kotse.
Sa presente an naghahalat sinda sa magigin resulta kan pag-oolay kan mga imbweltong lado urog nang may sarong pasahero an naghahabol sa saiyang flight antes mangyari an insidente.
Suspetsya man kan opisyal na pwedesir na aksidenteng natikmakan an silensyador kan kotse imbes na mag-full stop kun kaya ini nagdiretso paluwas sa diversion road na nagresulta man sa pagbangga kan bus.
Katakod kaini an nangapodan si Sevilla sa mga motorista na mag-ingat sa pagmamaneho asin dae makipag-enotan na maglaog sa mga diversion road nganing maibitaran an kaparehong insidente.
