LEGAZPI CITY—Naarestar kan mga otoridad an ika-anom sa listahan kan Regional Most Wanted Persons sa rehiyon kan Bicol na may kasong paggadan sa banwaan kan San Jacinto, Masbate.
An suspetsado binisto sa alyas na “Lino,” 29-anyos, lalaki, residente kan Monreal, Masbate asin miyembro kan Communist Terrorist Group (CTG) bilang sarong guerilla fighter kan Platoon 1, Kilusang Larangan Guerilla North, Sub Regional Committee 4, BRPC.
Naarestar ini sa saysay kan mandamiento de aresto sa pinagsarong operasyon kan Criminal Investigation and Detection Group (CIDG) Masbate Provincial Field Unit, Regional Intelligence Unit 5, Provincial Intelligence Unit Masbate PPO, 94th Special Action Force kan 9th Special Action Battalion, 96th Military Intelligence Company kan Philippine Army, 2nd Infantry Battalion, Criminal Investigation and Detection-Intelligence Group, Masbate Maritime Police Station, San Jacinto Municipal Police Station asin Masbate PPO.
Sa presente an suspetsado nasa kustodiya na kan Criminal Investigation and Detection Group Masbate Provincial Forensic Unit para sa magkakanigong dokumentasyon asin legal na proseso.
Padagos man na nagpapagiromdom an mga otoridad sa publiko na makipagtabangan sainda sa paagi kan pagtao nin impormasyon mapadapit sa mga kriminal na padagos na nagtatago sa ley.
