Thousands of people in the United Kingdom are waiting for the iconic ringing of the bell or so-called "Great Bell" on the famous Big Ben tower to welcome the new year.

Rinibong tawo sa United Kingdom an naghahalat kan iconic na pagtunog kan kampana o inaapod na “Great Bell” sa pamosong Big Ben tower sa pagsabat kan bagong taon.


An pagtanog kaya kaini an hudyat kan pagpoon kan 2026 sa United Kingdom.


Sa pagpundo kan pagtanog kan kampana, nag-kick off man an sarong playlist na nagtatampok nin mga darakulang nangyari sa UK kan 2025 asin darakulang kanta kan nakaaging taon.


Nasa 12,000 fireworks an pinailawan sa capital city kan UK na London nganing ipagselebrar an New Year.


Sa Edinburgh, rinibo mang celebrators an nagtipun-tipon sa Princes Street party mantang pighihiling an makukulay na fireworks display sa Edinburgh Castle sa enot na bes makalihis makansela ini kan nakalihis na taon huli sa maraot na kamugtakan kan panahon.


An iba pang mga nasyon sa Europa na nagselebrar na kan bagong taon kabali an Greenland asin Brazil, kun saen an ciudad nin Rio de Janeiro ginawaran nin largest New Year’s Eve celebration sa kinaban kan Guinness World Records kasunod kan mga festivities duman kasabay kan pagsabat kan bagong taon.

RELATED ARTICLESMORE FROM AUTHOR