Tinugutan na kan International Criminal Court (ICC) na makibahagi ang 500 na aplikante na mga biktima nin crimes against humanity ni dating Presidente Rodrigo Duterte.
Sa iniluwas na limang pahinang desisyon kan Pre-Trial Chamber 1, natapos na ninda an findings kan Victims Participation and Reparation Section (VPRS) kan assessment kan 227 applications para sa 500 indibidwal.
Warang nahiling na anumang problema sa saindang assessment kan VPRS kaya saindang tinugutan an 500 Group A applicants na makibahagi bilang biktima sa hearing.
Irerepresenta man sinda nin Common Legal Representative for Victims na enot nagrepresenta sa mga enot na biktima.
Enot nang hinagad kan Chamber kan Enero 28, 2026 na preparado sindang magresibe nin mga dugang na mga biktima.
Nahahampang an dating presidente sa kasong crimes against humanity huli sa murder asin attempted murder sa ICC na may kinaaraman sa kampanya kaini sa iligal na droga kan alkalde ini sa Davao City hanggang naging presidente kan nacion.
