Hinagad kan acting prosecutor kan International Criminal Court na ideklarar na fit to stand trial si dating Presidente Rodrigo Duterte sa pigkakahampang kaining kaso na crimes against humanity.
Ginibo ni ICC acting prosecutor Mame Mandiaye an kahagadan makalihis isumiter kan panel kan medical experts an saindang joint asin individual reports katakod kan kondisyon ni Duterte.
Sa filing na may petsang Setyembre 7 asin ipinaluwas kan Lunes nin banggi, sinabi ni Niang na nahiling sa mga reports na kaya ni Duterte na maghampang sa paglilitis.
Binanggit man niya an suboot reduced effort asin unreliability ni Duterte sa isinagubong assessments.
Sa ibong kaini, redacted an mga detalye kan findings kan medical experts sa submission kan prosekusyon.
An trial chamber III an madesisyon kung fit si Duterte para sa paglilitis.
Sinabi man ni Niang na dae na kaipuhan an suwat na hearing dapit sa fitness ni Duterte, huli ta igwang mga suhestyon an medical panel ngani na mapadali an saiyang epektibong pagpartisipar sa trial.
Kung ideklarar na fit, nakatalaan na magpuon an crimes against humanity trial sa Nobyembre 30.
