Pigpupuunan na kan International Criminal Court an inisyal na mga lakdang ngani na ma-organisa an partisipasyon kan mga biktima kan madugong drug war durante kan administrasyon ni dating Presidente Rodrigo Duterte.
Pigsugo na an Victims Participation and Reparations Section na aramon an proseso na pwedesir na gamiton para sa aplikasyon asin registration kan mga biktima na magseserbing testigo sa kaso kan dating presidente na crimes against humanity.
Sinabi man ni International Criminal Court assistant to Counsel Kristina Conti na preparado an mga biktima na magkonsulta ngani na maaraman an mga mekanismo na gagamiton.
Pinaglalaoman na maipapasumiter sainda an napirmahan na aplikasyon ngani na makipartiipar sa trial asin statement kan saindang pagiging biktima, siring man an pruweba na kaparientes ninda an mga biktima asin iba pang mga impormasyon asin dokumento.
Liwat man na sinierto ni Conti na an pagkakabisto kan mga biktima an magtetenir na confidential.
Sinierto man kan korte na padagos na magibo nin mga lakdang ngani na maprotehiran an seguridad, physical and psychological wellbeing, dignidad asin privacy.
