LEGAZPI CITY – Naggigibo na nin lakdang an house of representatives makalihis na i-archived kan senado an impeachment complaint laban ki Vice Presidente Sara Duterte.
Segun ki ACT Teachers Party-list Representative Antonio Tinio sa intrevista kan Bombo Radyo Legazpi na maski sinda sa makabayan bloc an nakatalaan mang magsundad nin motion for re-consideration nganing maglaom na baliktadon an desisyon asin mapawarang saysay an desisyon kan senado mapadapit sa impeachment trial.
Sa hiling niya man na maski nagdesisyon na an senado an pwedesir pang magsunad liwat an House nin panibagong impeachment complaint huli ta dae man nagagadan an isyu kan paggastos kan bise kan kaban kan banwaan.
Afuera sa pagsusunad an magpapadagos man suboot an pag-iimbestiga digdi kan kongreso makalihis nanapagdesisyunan na ipagpadagos an housequad comm na pinunan kan 19th congress.
Pigtaram pa kan opisyal na dae sinda mapundo sa pagpapanimbag sa bise presidente maski tapos na an termino niya o magdalagan sa pagka-presidente sa 2028 elections.
Sa obserbasyon niya man na nadismaya an taumbayan sa desisyon kan senado na garing i-dribble an complaint asin dae ginampan an saindang mandato sa pagpapanimbag kan mga tiwaling opisyal.
Magkakaigwa man sinda nin motion rally nganing ipahiling na dae nagustuhan kan mga namamanwaan an pag-archived o pag-octaba sa trial asin makikibale pa sinda sa pagsunad man kan mga manlain-laing grupo nin motion for reconsideration sa Korte suprema.
Paninindugan ni Tinio na maski ginadan sa senado an impeachment complaint an dae man ninda nagadan an pagmamawot ninda ki paninimbagan sa ginibo kan bise presidente sa kaban kan banwaan.
