Iimbestigaran kan House of Appropriations Committee an intelligence fund sa tahaw kan pagpuslit ni dismissed Bamban Mayor Alice Guo sa Pilipinas asin iba pang dae nareresolberan na high-profile cases.
Kaibanan sa mga pag-aadalan an nagpapadagos na imbestigasyon na pigkaka imbweltuhan ninda Kingdom of Jesus Christ leader Pastor Apollo Quiboloy asin dating BuCor chief Gerald Bantag.
Sa sarong pahayag, sinabi ni Appropriations Committee asin Ako Bicol party-list Rep. Elizaldy Co na pag-aadalan an alokason asin paggamit kan intelligence funds.
Segun sa opisyal na dakulang concern an pagpuslit ni Guo paluwas sa Pilipinas sa ibong kan immigration lookout bulletin.
Ipinunto man kaini an dae pagkakadakop kinda Quiboloy asin Bantag hasta sa ngunyan.
Segun ki Co na dapat na maaraman kun papano pigagamit an intel funds ngani na maibitaran an kaparehong pagpalyar sa futuro.
