LEGAZPI CITY-Takdag sa podium finish an enot na Olympic gold medalist na si Hidilyn Diaz sa 2025 Southeast Asian Games na isinagibo sa Chonburi Sports School sa Chonburi, Thailand.
An 34-anyos na weightlifting ace nakatapos sa ikaapat na pwesto sa 58kg Women’s Division sa 200kg ngani makabalik sa SEA Games makalihis na dai siya makabale sa nakaaging edisyon sa Cambodia.
Si Diaz, na an SEA Games tally kabali an duwang gold medal kan 2019 asin 2022, kun sain enot niyang binuhat an 88kg asin 90kg makalihis an saiyang pagporbar sa no-lift ruling na nasa 92kg.
Makalihis an snatch round, uminabanse an pambato kan Indonesia na si Natasya Beteyob sa top makalihis makumpleto niya an tulong attempts nin matrayumpo mantang nakuwa man kan Thailand an best lift na 96kg.
