LEGAZPI CITY- Pinayuhan kan sarong health expert an gobierno na pakusugon pa an awareness asin monitoring makalihis na makalaog na sa Pilipinas an bacterial infection na streptococcal toxic shock syndrome.
Marurumduman na enot na naglakop an nasabing flesh eating bacteria sa Japan.
Segun ki Octa Research Fellow Dr. Guido David sa intrevista kan Bombo Radyo Legazpi na dae basta-basta madi-detect nin casual testing an nasabing helang.
Dugang pa kaini na magin an publiko an dapat man na maglikay urog pang nasa 30% ang mortality rate kan nasabing bacterial infection.
Paliwanag ni David na pwedesir na makaolakit an helang kun makakadukot sa lugad kan sarong persona na tinamaan kan bacteria.
Komon suboot na pigtatamaan kaini an mga persona na igwang maluyang immune system.
Alagad nilinaw ni David na igwang mga persona na pwedesir na makakuwa kan bacteria alagad dae magkakahelang kun makusog an immune system kan mga ini.
