Nagsurendir na an saro sa suboot hazing suspek na naging kawsa kan pagkagadan kan 19-anyos na maritime student sa Cavite.
Sinabi ni Cavite Police Provincial Director P/Colonel Ariel Red na an suspek an nasa kustodiya na kan General Trias Component Police Station.
Marurumduman na dinara sa ospital sa Damarinas an biktimang si Kenneth Alcedo, estudyante kan PNTC Colleges makalihis na mawran nin malay huli sa sinapar kaining mga pasa sa lawas.
Dinara kan tulong suspek an biktima sa ospital asin pinalabas na naaksidente ini.
Binalo nindang magdulag hali sa ospital alagad sinita sinda kan guwardiya asin pinabalik an mga ito ngani na magtao nin detalye sa biktima.
Nakakuwa nin tsansa a mga suspek na makahali sa ospital bandang hapon kaya nakahali an mga ini.
Segun ki General Trias Police chief P/Lt. Colonel Bismark Mendoza, na dakol na sinapar an biktima nin mga pasa sa lawas hali sa ipigkondusir na initiation rites.
Nadiskubre an behikulo kan mga suspek asin nahiling an nagkapirang mga school ID asiin uniporme kan fraternity.
Hinanap man kan mga kapulisan an tagsadiri kan behikulo kun sain sinda nakakuwa nin lead sa mga suspek sa insidente.
Padagos man na pinaghahanap kan mga otoridad an iba pang nasa likod kan hazing.
