LEGAZPI CITY- Nai-turn over na kan mga lokal na opisyal kan Donsol, Sorsogon an hawak kan sarong paraoma na inanod sa salog hali sa banwan kan Guinobatan.
Segun ki Donsol Municipal Disaster Risk Reduction and Management Office head Bryan Garido sa intrevista kan Bombo Radyo Legazpi na na-retrive ninda an hawak kan biktima sa salog sa Barangay Banuang Gurang.
Napag-araman na enot na man na nakipag koordinar sa saindang ahensya an Guinobatan Municipal Disaster Risk Reduction and Management Office ngani na maipaabot an impormasyon dapit sa nawawarang indibidwal.
Pag-istorya kan opisyal na nasa early stage of decomposition na an hawak kan biktima huli sa pagkakababad sa tubig.
Suminabay suboot an hawak kaini sa mga debris na inanod hali sa salog sa Guinobatan pasiring sa Donsol.
Mientras tanto, nagpaabot man nin pakikidumamay an opisyal sa nabayaan na pamilya kan biktima.
