LEGAZPI CITY—Nagkawsa nin matinding pagbaha sa Chiba, Japan makalihis na makaeksperyensya nin ‘torrential rain’ o makukusog na pag-uuran.
Segun ki JP Alejandro, Bombo International News Correspondent in Chiba Japan, sa intrevista kan Bombo Radyo Legazpi, na nag-abot sa Alert Level 5 an heavy rain warning sa lugar o boot-sabihon saro na ining ‘disaster’ na pwedesir magdarang peligro sa namamanwaan.
Basado man sa reports, na may nairehistrong binawian nin buhay sa lugar huli sa nasabing matinding pag-uuran.
Dugang niya na sa presente an naghupa na an mga pagbaha asin pigsaayos an mga nadestrosong agihan.
Mientrastanto, kadaklan man sa mga OFW na yaon sa nasabing lugar an na-stranded sa saindang mga biyahe.
Pigdoon man ni Alejandro na solamenteng lugar na nakaeksperyensya kan pag-uuran an Chiba, Japan na ikinakigkig man kan namamamanwaan digdi
