LEGAZPI CITY—Pigsaysay kan sarong rockstar lawyer na medyo makusog an mga ebidensyang inilatag kan prosekusyon mapadapit sa confidential funds ni Vice President Sara Duterte sa nagpapadagos na impeachment trial kaini sa Senado.
Segun ki Atty. Carlo Ybanez, sa intrevista kan Bombo Radyo Legazpi, na gari suboot irregular an mga dokumentos na prinesentar kan Office of the Vice President nganing ipaliwanag an paggastos kan nasabing confidential funds.
Segun saiya na gari pagbalgar an pagbayad sa informants sa manlaen-laen na lugar sa laog nin sarong aldaw huli sa irarom kan regulasyon kaipuhan na otorisadong opisyal sana an pwedesir na mag-disburse kan kwarta.
Siring man na posibleng pagbayolar man en kaso manlaen-laeng persona an nagdistribuir kan nasabing kwarta.
Mientrastanto, sinabi man ni Ybanez na magayon an nangyayari ngunyan sa paglilitis huli sa nasasabutan kan namamanwaan an mga legal procedures asin legal concepts asin nakakaukod sa ley kan nacion.
