LEGAZPI CITY- Mapuon na sa aga, Enero 9 an pagpapaotob nin gun ban asin mahigot na pagbabantay kan kapulisan para sa election period.
Sa intrevista kan Bombo Radyo Legazpi kay Pol. Lt. Karen Formales an tagapagtaram kan Albay PPO, makaag na an kapulisan nin mga bantay sa mga border asin mga matatawong lugar ngani na maibitaran an mga election related incident.
Pigsisierto suboot kan kapulisan na igwa nin personahes sa kada lugar nganing makapagresponde sa anuman na mga insidente lalo pang dae maibitaran na may mga kariribokan na nangyayari tuyong panahon nin eleksyon.
Pinunan naman an operasyon kan provincial election monitoring action center kung sain mareport an gabos na mga hepatura kan pulisya para sa marikas na pag-aksyon sa mga dae pinaglalomang insidente.
Mahigot man na ipinagbabawal an pagdara nin badil sa luwas kan harong lalo na an mga wara man nin lisensya.
Katakod kaini, pangapudan kan opisyal sa mga may badil na expire na an lisensya asin dae pa nakakapagrenew na isurinder na muna sa mga otoridad ngani na dae magkaproblema lalo pang laoman na suboot an mahigot na polisiya asin pagbabantay kontra sa mga bako rehistradong armas ngunyan panahon nin eleksyon
