LEGAZPI CITY – Naghahalat pa sa ngunyan kan opisyal na guidelines na ibababa an Department of Interior and Local Government (DILG) sa Bicol dapit sa pag-empleyo kan mga dugang na contact tracers sa laban kontra sa coronavirus disease.
Enot nang ipighayag sa national level na nasa P5 billion an itinagamang fondo sa irarom kan Bayanihan 2 para sa dugang na 50, 000 contact tracers.
Ipighayag ni DILG Bicol Regional Director Atty. Anthony Nuyda sa intrevista kan Bombo Radyo Legazpi na wara pang opisyal na kasuratan dapit digdi na naresibe alagad igwa naman na eksistidong team sa kada lokal na gobierno para sa nasabing trabaho.
Mismong organic employees kan mga LGU an nagsasagibo kaini segun ki Nuyda sa tabang man kan Local Epidemiology and Surveillance Unit.
En caso man ganap nang maipaotob, an LESU man giraray an mamayo sa mga nasabing personahes.
