LEGAZPI CITY-–Naghihingoa an grupo nin parasisira na magkaigwa nin katoninongan sa pangisdaan sa West Philippine Sea sa pagsabat kan taong 2026.
Segun ki Pambansang Lakas ng Kilusang Mamamalakaya ng Pilipinas (PAMALAKAYA) Secretary General Salvador France, sa intrevista kan Bombo Radyo Legazpi, nagmamawot sinda na dae na dapat masyadong pakiaraman kan China an mga lokal na parasisira na naglalawod digdi huli sa makaherak an mga ini na nag-aasa sa nasabing pangisdaan.
Afuera digdi, pighayag man kan opisyal na dae matugot an saindang grupo na an saindang pinagpagalan na paglaban sa 15 kilometrong na pangisdaan kan mga saradit na parasisira an maibabalewala sana.
Dugang ni France na dapat man na magin malinaw sa gobierno an orolay mapadapit sa pag-agaw kan commercial fishing sa municipal waters kan nacion.
Naglalaom an PAMALAKAYA na padagos na ipaglalaban kan mga saradit na parasisira sa paagi kan pagkasararo an nasambitang pangapudan.
