LEGAZPI CITY- Bukas an grupo nin mga paratukdo sa plano kan Department of Education na bawasan an core subjects kan senior high school.
Paliwanag ni Teachers Dignity Coalition Chairman Benjo Basas sa intrevista kan Bombo Radyo Legazpi na dakol na mga subjects an pauru-utro man sana asin nagigin rason kan congestion sa curriculum.
Marurumduman na enot ng sinabi kan Department of Education na mawot kan ahensya na makapag focus an mga jovenes sa on the job training asin iba pang skills ngani na magin mas employable.
Segun sa grupo na mas kinakaipuhan kan mga estudyante nin mga skills na magagamit sa pag-uswag kan nacion asin pagpadangat sa heritage asin historya.
Mientrastanto, nangapudan pa si Basas na matutukan an matinding workload kan mga paratukdo huli ta dakol sa mga ini an sinubli sana sa junior high school.
Huli digdi, wara man na sistema nin promotion sa mga paratukdo sa senior high school na nagpapatunay sana na igwang pagkukulang sa nasabing curriculum.
