LEGAZPI CITY – Naghahanda na an grupo nin mga paratukdo mapadapit sa pagbabalik eskwela para sa school year 2025-2026.
Sgun ki Alliance of Concerned Teachers Chairperson Vladimir Quetua sa intrevista kan Bombo Radyo Legazpi na aminado an Department of education na nagtetenir na kulang an numero kan mga paratukdo sa enterong nacion alagad wara man piggigibo an mga ini kundi puro band-aid sulution sana.
Makakatabang man an brigada eskwela para sa preparasyon sa pagpopoon kan klase alagad bako suboot ini an sulusyon para sa problemang pigkakahampang kan kadakol na eskwelahan.
Posible man na may mahiling siya na mga estudyante na madara nin sadiring tukawan, magkakaigwa nin shifting, may mga section na ma-klase sa irarom kan mga kahoy asin covered court kun warang gigibuhon an gobierno nganing mapataas an budget kan education sector.
Pigtaram pa kaini na dakulang bagay man an nangyaring katiwalian sa departamento kan panahon na pigpapangenotan pa ini ni Vice President Sara Duterte kun kaya hasta ngonian mantinidong dakula an kakulangan sa paratukdo asin sa mga classroom.
Wara man suboot nagiginibo an mga magurang kundi saguton an mga kakulangan sa mga classroom nganing magin maray sana an kamugtakan kan saindang mga aki sa oras na nagpoon na an klase.
Dapat man na itao na sa mga paratukdo an mga benipisyo kaini poon pa kan taong 2023, itaas ang sahod huli ta dae dapat ini pigbabarat kan gobierno nganing mapagaan maski papano an mga buhay kan mga pilipinong paratukdo.
Pagdoon pa ni Quetua na enkasong dae masulusyunan kan Deped asin kan administrasyon an mga problemang pigkakahampang kan sektor kan edukasayon an posibleng magbulusok pababa kasabay an presenteng curiculum.
